Ich Jans von Chappelle vergich vnd tu^en chunt allen den, die nv^e sind vnd hernach chumffetich werdent, die disen prief sehent vnd Iesent o^eder ho^erent lesen, daz ich mit wolbetachedem mu^et vnd auch mit gu^edem willen miner su^en paider Vlrichs vnd Eberhartze han ich in rechlich (sic) durch Got gegeben die aygenschat (sic), die ich gehabt han an dem gu^et am Mu^esperg, ich vnd min erben, der begeben jv^engchvrowen Geuden der der Welhinne vnd dem gotzchaus hinz Pullegarn vnd daz vorgenant gu^et am Mu^esperg ist gelegen bei Sand Go^ergen. Daz di rede stet vnuerchert von vns beleibe von mi^er vnd von min erben, als vor verschriben ist, dar v^ober geben wi^er dev vorgenanden ich Jans von Chappelle vnd ich Vlrich von Chappelle vnd ich Eberhart von Chappelle disen prief zv aeim warn v^erchv^ende, versigelden mit vnser aller dreyer anhangu^enden insigel. Der prief ist geben do man zalt von vnsers herren Christus gepu^erde tausent jar drev hu^endert jar, dar nach in dem newen vnd vyerzegisten jar an vnser vrowen tag, als si gepo^ern wart.

Source Fulltext: OÖUB 7 (Wien 1876), S. 132, Nr. 134