Ich Hainreich von Walsse hern Eberharts sun von Walssê hauptman ze Drosendorf vnd ich Margret sein hausurowe vnd vnser erben wir vergehen vnd tu^en chunt allen den, di disen brief lesent oder ho^erent lesen, die nu lebent vnd hernach chu^enftich sint, vmb daz haus ze Vestenbu^erch vnd alles daz, daz dar zu^e geho^eret, daz her Vlreich von Pergauwe vnd sein erben gechauft habent, daz wir mit gu^etem willen mit verdachtem mu^et vnd mit gesampter hant zu^e der zeit do wir ez wol getu^en mochten, vns des selben haus Vestenburch vnd alles des, daz dar zu^e geho^eret, aygen lehen in vrbar ze holtz ze velde vnd ze do^erffe ez sey gestift oder vngestift versu^echt oder vnuersu^echt verlehent oder vnuerlehent swie so daz genant ist, gar vnd gaentzleich verzi/^gen vnd fu^ertzicht getan haben also, daz wir auf daz selbe haus noch auf alle dev, vnd dar zu geho^eret, als vor verschriben ist, nimmer mer chayn ansprach noch chain vo^edrung suln haben noch gewinnen weder vmb vil noch vmb wenig. Vnd daz disev fu^ertzicht fu^erbaz also staêt vnd vnzerbrochen beleibe, dar vber so geben wir ich vorgenanter Hainreich von Walsse vnd ich Margret sein hausurowe fu^er vns vnd fu^er vnser erben dem egenanten hern V/elreichen von Pergauwe vnd seinen erben disen brief zu^e einem warn vrchu^ende diser sache versigilt mit vnserm jnsigil vnd mit des vorgenanten meins vater jnsigil hern Eberharts von Walsse vnd mit graf Nychlas jnsigil, mein obgenanten Margreten pru^eder, graf Laurents sun von Maertreinsto^erf, dem Got genade, die diser sache gezeuge sint mit irn insigiln. Diser brief ist geben ze Wienne nach Christes gepu^ert dreutzehen hundert iar, dar nach in dem fu^emf vnd fu^emftzgistem iar an sand Agnesen tage.

Source Fulltext: OÖUB 7 (Wien 1876), S. 399f., Nr. 388