Wir Albrecht von gots gnaden burcgraf ze Nuremberg bekennen vnd tu^on kund offenlich an disem brif, daz vnser lieber getrewe Stephan von Hohenberg mit vnsrer hant willen vnd gunst versatzzt hat seinen virteil an dem haus ze Wolfgerstorf vnd allez daz darzu geho^ert versucht vnd vnuersucht daz von vns ze lehen ist, siner snu^or frawen Margreten hern Weycharts tohter von Winkel für siben hundert pfunt pfenning an irrer rnorgengab in allem dem rehten, als der brif sagt den si von im daruber hat. Vnd des zu vrchund geben wir disen brif versigelten mit vnserm anhangendem insigel, der geben ist am sunntag in der vasten als man singet Reminiscere. Nach Kristes gepu^orte drivzehenhundert iar vnd in dem neun vnd funfzigstem jar.

Source Fulltext: OÖUB 7 (Wien 1876), S. 627, Nr. 617