Ich Amelreich der druchsaetz von Emmerberch vnd i^ech Hans sein su^en vnd vnser erben wir vergehen offenleich an disem brief, daz wir vns des mit vnsern trewen an alles geuaer gegen dem erbern herren hern Vlreichen von Pergaw/w vnd gegen seinen erben verlu^ebt vnd verpunden haben vmb drew vnd zwaintzich phunt vnd drey schilling wienner phenning gelts auf bestiftem gu^et vnd vmb die sechs vnd sibentzich ho^ef manschaft verlehents gu^ets das wir in alles ze chauffen geben haben zu^e der veste ze Rüemberch die si von vns gechauft habent als wir in besunderleich brief vnd jnsigil dar v^eber geben haben also, was der vorgenanten dreir vnd zwaintzich phunt vnd dreyr schilling wienner phenning gelts bestifts gu^ets dienst vnd stewer abget, da sullen wir jn abziehen an der ersten werung an den phenningen die si vns gelten sullen als si vns auch brief vnd jnsigil dar vmb geben habent, ymmer fu^er ain phunt gelts dienst vnd stewr zehen phunt wienner phenning. Was wir in aber mer geben denne drew vnd zwaintzich phunt vnd drey schilling gelts, da sullen si vns geben ymmer fu^er ain phunt wienner phenning gelts dienst vnd stewer auf bestiftem gu^et zehen phunt wienner phenning. Vnd was der vorgenanten sechs vnd sibentzich ho^ef manschaft abget, da sulln wir in auch der phenning an der ersten werung als vorgeschriben stet abziehen immer fu^er ain phunt gelts zwelif schilling wienner phenning. Was wir in aber mer geben denne die vorgeschriben manschaft, da sullen si vns geben ymmer fu^er ain phunt gelts manschaft verlehents gu^ets zwelif schilling wienner phenning alles an allen chrieg vnd an alle wider rede. Auch geben wir in zu^e der vorgenanten veste ze Ruemberch alle die recht die wir haben ze losen an allen den gu^etern die wir vnd vnser vordern von der selben veste versaczt haben, das si die haben su^ellen in alle dem rechten als wir selber. Aber was der vorgenanten dreir vnd zwaintzich phunt vnd dreir schilling gelts versaczt sint hern Symon dem Mawlharten vnd seinen erben, die sullen wir hern Vlreichen von Pergaw vnd seinen erben von ja ga^entzleich lo^esen zwischen hinnen vnd den weihennachten die schierist cho^ement an allen iren schaden. Tu^en wir des nicht, so sullen si vollen gewalt vnd recht haben vnd ist auch ynser gu^etleich wille, das si die selben gu^elt selb lo^esen sullen von den phenningen die si vns zu^e der ersten werung geben sullen an alle widerrede. Vnd darv^eber so geben wir ich Amelreich der Druchsaetz von Emmerberch vnd ich Hans sein sun fu^er vns ynd fu^er vnser erben hern Vlreichen von Pergaw vnd seinen erben disen brief zu^e einem waren vrchu^ende diser sache versigilten mit vnsern jnsigiln vnd mit hern Fridreichs insigil des Druchsaetzen von Emmerberch mein vorgenanten Amelreichs pru^eder, der diser sache gezeug ist mit seinem jnsigil. Der brief ist geben ze Wienne nach Christes gebu^erd drew^etzehen hundert iar dar nach in dem new^en vnd fu^emftzgisten iar dez na^echsten sunttags nach sand Mertteins tage.

Source Fulltext: OÖUB 7 (Wien 1876), S. 672f., Nr. 661