Wir Ruedolf von Gottes gnaden hertzog zu O^esterreich zu Steir und zu Ka^erndten etc. vergehen und tuen kund offenwar mit dem brief fu^er unns und unser bru^eder und all unnser erben und nach¬ko^emen, das unns die edlen hochgebaren unnser lieb o^eheim graf Ulrich und graf Hainrich gebrüedern und allen iren erben und nachko^emen grafen zu Schaunberg den dinst den sy unns y^eetzund dew gegenwu^erttig rais gen Friawl mit hundert helbem und mit hundert schutzen tan habent auf den patriarich von Aglay^e, darumben wir in und allen iren erben und nachko^emen unverschaidenlich all mit einander gelten und schuldig worden seinn drew tausent phund guter wienner phenning die dann gib und gab sint also mit der bescbaiden, wann sy oder ir erben dasselb vorverschriben gelt an unns oder unnser brueder oder erben und nachko^emen vordernn, so sullen wir sew dann unverzogentlichen ga^enntzlichen und gar ausrichten und weren der vorverschriben drewtausent phund gueter wienner phenning die dann gib und ga^eb sind auf den nagsten heyling sannd Alexen tag die edlen hochgeboren unnser lieb o^eheim graf Ulrich und graf Hainrich gebru^eder und all ir erben und nachko^emen Ta^eten wir des nicht, wiettann schaden sy des nemennt den ir ainer gesprechen mag an ayd und unberecht, denselben schaden mitsambt dem haubtgut schullen und wellen wir in unverzogentlich zu hand ausrichten und widerkeren; und schullen sy das alles haben unverschaidlichen datz unns unnsern erben und nachko^emen trewen und aus aller unnser hab wo wir die u^eberall ynndert haben lassen oder gewine (sic) versuecht und unversuecht nichtz ausgenomen, auf wasser und auf lannd, dahin sullen sy allzeit alle irew recht aller stat erlangt und behabt haben und wir voraus an alles geverde gantzlich verloren an alle widerrede, das wir dawider sew nichtz zu wart haben noch kainerlay gen in geniessen sullen, und ob wir sto^essig oder zu krieg wurden ains oder mer mit recht oder an recht, das schullen sy alltzeit und an aller stat behabt und gewune haben und wir vor¬aus ga^entzleichen verlo^eren an alle widerrede, und sullen auch des unnser lieb die edlen hochgebaren o^eheim ir erben und nachko^eme (sic) grafen ze Schaunberg unnser fu^erstlich gnad und huld an alle ariglist in dbain weys nicht verliesen. Wer den brief mit irem willen innhat zaigt oder fu^erbringt, der hat alle die recht die in daron geschriben sind. Mit urkund des briefs den wir in daru^eber gehen versigelten mit unnserm grossen fürstlichen anhangunden insigel, der geben ist zu Wienn an sannd Alexen tag da man zalt von Crist gebu^erd drew^eczehenhundert jar und in dem ainn und sechtzikisten jar.

Source Fulltext: OÖUB 8 (Wien 1883), S. 38f., Nr. 37