Ich Andre von Hausperch und alle mein erben wir verjehen, daz uns der ho^echgebo^ern fu^erst herczog Rudolf zu Osterrich mein gna^ediger her von sein gnaden verliehen hat den hof zu dem Vossen, der gelegen ist pei der Vreinstat in der Riedmarich mit allem dem daz zu dem vorgenanten hof geho^ert also mit der weschaidenhait und mit auzgenomer red, ob im der vorgenant hof sein ledig worden von meiner hawswro^en vro^en Agnes sa^elig, und zu einem urclnmd so (sic) gib ich vorgenanter Andre von Hausperch diesen brief versigelt mit mein anhangunden insigil, der brif ist gegebn noch Christes gepu^erd drewczechen hundert jar darnach in dem czwai und sechczigisten jar des vreitag vor unsers herren auffert tag.

Source Fulltext: OÖUB 8 (Wien 1883), S. 76, Nr. 74