ICH Weychart Hainreichs dez Mitterpechen sun und ich Jans sein prueder und all unser erben wir vergechen, daz wier verchauft haben unsers rechten lehens daz wir ze lechen haben gehabt von dem erbern herren hern Jansen von Wildekk ain hof gelegen var in dem Chreuzpach und haizzet in dem Staincheller, und ain phunt phenning geltes wienner munczze gelegen auf der Obern mul auch var in dem Chreuzpach, daz man allev jar dienet auf zwen tag, ein halbphunt auf sand gorgen tag ain halbphunt auf sand michels tag. Daz guet alles geben (wir) umb dreizzich phunt phenning wienner munizze und umb seczik phenning, der wier gar und genczleich gericht und gewert sein Hainreichen dem Stenglein und Anne seiner hausvrouwen und iern paiden erben. Und daz diser chauf und disev wandlung fu^erbaz stet und unzebrochen beleib, daruber so geb wier ich vorgenanter Weichart Hainreichs dez Mitterpechen sun und ich Jans sein pruder dem egenanten Hainreichen dem Stenglein und Anne seiner hawsvrouwen und iren paiden erben den brif versigelt mit unsern paiden anhangunden insigeln zu einer warn urchund und einer ewigm vestigung diser sache. So sind zeug Jans der Stainberger unser swager und Weichart der Phffaffenslager unser veter mit iren anhangunden insigeln. Der brif ist geben noch Christes bu^erd uber drewczehen hundert jar darnach in dem zwae und seczkisten jar dez suntag var dem aufart tag.

Source Fulltext: OÖUB 8 (Wien 1883), S. 77f., Nr. 76