ICH Marichart von Tirnstain vergich, daz ich verchaufft han meins rechten aigens sechs und dreizzig phenning wienner mu^enzze geltes auf der mu^el halben gelegen ze Ramstain haizzet an der prukke und auf alle dem das zu derselben mu^el halben geho^eret wie das genant ist, mit alle den nu^etz und rechten als ich die vorgenanten sechs und dreizzig phenning gelts in aigens gewer her prach han, umb acht phunt wienner phenning der ich gantz und gar gewert bin, hern Stephan von Hohenberch und seinen erben fu^erbas ledichleichen und vreileich zehaben und allen iren frumen damit ze schaffen. Und daz der chauff fu^erbas also stet und unzerbrochen beleibe, daru^eber so gib ich in disen brief zu einem warn urchu^ende der sache versigilten mit meinem insigil und mit Ulreichs insigil von Plankchenstain und mit hern Fridreichs insigil des marschalichs von Pappenhaim. Der brief ist geben nach Christes gepu^ert dreutzehen hundert jar darnach in dem vier und sechtzgistem jare an unsers herren gotesleichnamen abent.

Source Fulltext: OÖUB 8 (Wien 1883), S. 180, Nr. 175