Ich Ernreich der Sazehant mit sampt mein erben vergich, . . . daz ich . . . verchauft han alle die velber di umb di wis stent ze Wilbreinstorf dew man di Trenchhwiz haisset, dem erbern ritter hern Jorigen dem Tuczen und Micheln seinem bruder und allen irn erben umb ain phunt phenning winner mu^enzz der ich gantz und gar von in gericht und gewert pin, furbaz ledichleich und freyleich ze haben und iren frum damit ze schaffen an allen irrsal, und ob si furbaz icht chrieg oder ansprach gewunnen oder daran abgieng, das schullen si haben datz mir und auf allen dem guet daz ich hab. Daz in daz also staet und unzerprochen beleib daruber gib ich in ze urchunt den gegenburtigen offen brif versigelt mit meinem anhangunden insigel, und mit des erbern mann insigel Jorigen bey dem tot ze Neunburch. Daz ist geschehen do man zalt von Christi gepurt dreutzehen hundert jar und in dem neun und sechtzigisten jar an sand Michels tag.

Source Fulltext: OÖUB 8 (Wien 1883), S. 435, Nr. 440