Wir Albrecht etc. tu^en kunt, daz wier unserm getrewn Gotfriden dem Ro^erer von Lonstain noch schuldig und gelten sullen sibenczig pfunt wienner phenning an dem dienste den er uns mit sechs hauben gu^ets volkches hin in gen Lamppartten getan hat ze hilffe dem heiligen ro^emischen reiche, dieselben sibenczig pfunt wienner phenning haben wier im geslagen und slahen auch mit disem brief auf den sacz ze Wolfpach und die gulte auf unsern ho^efen ze Reicholsperch ze Ogelspach und ze Potnaw und auf die vier und zwainczig mutt habern ze Chotweig und auf die werde ze Tullen die er vormals in saczs weis von uns inn hat also, daz der vorgenant Gotfrid der Rorer und sein erben die egenanten ains und sibenczig pfunt wienner phenning auf den vorgenanten gu^etern allen haben sullen ze geleicher weise als sy vormals ander gelt darauf habent nach sag der brief die in daruber gegeben sind. Mit urkund diczs briefs. Geben ze Wienn an samstag nach goczleichnams tag anno domini millesimo trecentesimo sexagesiino nono.

Source Fulltext: OÖUB 8 (Wien 1883), S. 418, Nr. 422