Wir Albrecht und Leuppolt bru^eder von Gotes gnaden herczogen ze O^esterreich ze Steyr ze Kernden und ze Chrain grafen ze Tyrol etc. bedienen und tu^on kunt offenlich mit disem brier, daz wir unsern getrewn den purgern gemainlich ze Lyncz durch ierr notdurft willen und ze pezzrung ierr stat die gnad getan haben und tu^on ouch wizzenlich mit disem brief, waz rechter wandlung umb dhainerlai geltschuld geschiecht in der vorgenanlen stat ze Lyncz daz si wol darumb in derselben stat mugen gephenden und aufhaben und sol si nyeman daran ierren. Ouch haben wier gesaczt und seczen mit disem brief, daz nyemant umb Lyncz innwendig ayner ganczn meil weges dhain schenchhaus hab. Davon welln wier ernstlich daz all unser houbtleutt lantherren ritter und knecht all pu^erggrafen amptleutt und ander unser undertan die vorgenanten unser purger von Lyncz bey derselben unsern gnaden und geseczten ewiklich beleiben lazzen an alle ierrung, alz ouch von wort ze wort saget weilent unsers liben bru^eder herczog Ru^edolf selig brief, den dieselben unser purger darumb sunderlich von im habent und den wier mit disem unserm gegenwu^ertigen brief vernewt und bestett haben, vernewn und bestetten ouch mit urchund dicz briefs besigltn mit unsern insigln. Der brief ist geben ze Wienn an sand Johans abent ze sunnwenden nach Kristes gepu^erd dreuczehenhundert jar darnach in dem newn und sechczigistem jare, ||
Com es Ulricus de Sch (ownberg) marschalcus provincialis de Meissaw, m(agister) c(urie)||
de lich(tenstein) et Wehinger m(agister) camere.

Source Fulltext: OÖUB 8 (Wien 1883), S. 420, Nr. 425