Ich Wolfgang von Winden und ich Hans uud ich Purchart von Winden desselben hern Wolfgangs von Winden vettern unser housfrawen und alle unser erben wier verjehen und tuen ku^ont offenbar mit disem brief, daz uns der edel wolgepo^ern unserr lieber herr graf Ulreich von Scho^ewnberg beriht und bezalt hat sehs hundert pfunt wienner pfenning an der geltschüld so er uns schuldich ist und die er uns ouf weyhennahten schierst bezalt solt haben nach sag des briefs, den wier von im und seinen porgen dorumb haben, derselben sehshundert pfunt wienner pfenning sagen wir den vorbenanten unsern lieben herren graf Ulreich von Schöwnberg und sein porgen und all ier erben ledig und lös. Mit urchund dicz briefs versigelt mit meim vorgenanten Wolfgangs von Winden insigel und mit der edelen erbern herren hern Haydenreich von Meihsaw lantmarschalch in O^esterreich und hern Stephans dez Töppler herczog Lewpoltz hofmaister und Rügern dez Starhewerger insigel versigelt, der geben ist ze Wels an sand Nyclos abent do man zalt von Kristus gepu^erd tausent drewhundert jar und darnach in dem new^en und sehtzigistem jar.

Source Fulltext: OÖUB 8 (Wien 1883), S. 441f., Nr. 449