Wir Albrecht von Gottes genaden herzog ze O^esterreich ze Steyr ze Karnten ze Crän graff ze Türoll thuen kundt für uns und unseren lieben brueder herzogen Leopolden, dass wir unssern getreuen Andren den Grueber durch der dienst willen die er uns gethan hat und die er unss noch fürbass gethuen mag und soll gegunet haben und erlaubeten gunnen und erlauben auch, dass er das purkstall genannt der Stain bey Liebenstein aufvahe und darauf ein vo^essten bauen mag, und sol er und seine erben mit derselben vössten unss dem ehegenannten unssern brueder und unsern erben wartunt und gehorsamb seyn und unss die ze unsern notturften offen haben an iren mörkhlichen schaden und auch unss noch unsern la^endleuthen darauss kheinen schaden thuen (noch) des jemand gestaten daraus ze thuen an alles gevärt. mit urkhundt des brieffs, geben zu Linz am freytag nach S. Michelstag nach Kristi gepurt dreyzehnhundert jar darnach in dem neun und sechzigisten jahr.

Source Fulltext: OÖUB 8 (Wien 1883), S. 435f., Nr. 441