Wir Albrecht von Gotes genaden herczog ze Osterreich ze Steyr ze Kernden und ze Krain graffe ze Tyrol etc. tu^en chund, das unser getrewer Zareys von Hader zu^e uns cho^em und lie uns czwen brieff horen ainen von unserm sa^eligen vater den andern von unserra säligen brfider herczog Rudolfen, wie sew seinem vater und im darnach verlichen hieten das haws Piberstain in Wachsenberger gericht mit aller seiner zugehorung, und im die chaufbrief die er von Ulreich sa^eligem dem Tanner daruber bestaet hieten und pat uns, das wir im daz auch vorlichen. daz haben wir getan und haben im und seinen erben daz vorgenante haws ze Pyberstain mit seiner zu^egeho^erung verlichen also lehens und des lancz recht ist, und bestaeten in auch all die brief dew sy von dem vorgenanten Ulreichen dem Tanner daruber habent mit dem unsern gegenburtigen brief, der geben ist an sand Mawriczen tag nach Christes gepu^erd drewczehen hundert jar darnach in dem sibenczkistem jare.||
Dominus dux per se.

Source Fulltext: OÖUB 8 (Wien 1883), S. 485, Nr. 489