Wir Albrecht von Gotes gnaden herczog ze O^esterreich ze Steir ze Kernden und ze Krain graf ze Tirol etc. bekennen, wan unser getrew^er lieber Fridreich von Walsse von Drosendorf mit swerer geltschulde uberladen und alle sein gu^et und hab von den juden verkumbert was, darauf ta^eglicher schad und grosser gesuech gieng davon die hab in kurczer frist gar vergangen und verlorn wa^ere als sy auch die juden mit rechte czu irn hannden bracht hetten, das er darumb mit unserr hant gunste und gutem willen und nach czeitigem rate seiner freunde alle sein hab und gu^eter wo die gelegen ist cze O^esterrich cze Steyr oder anderswo da er si gehabt hat, es sein vesten ma^erkte do^erffer ho^efe, mit allen manscheften kirchlehenen mit gerichten czollen und mautten vischwaiden und mit andern wirden und eren fruchten und nutzen holczern wa^ellden weinga^erten paumgerten a^ekchern wismatten mit stegen mit wegen mit aller czugehorung alles inbeslossen nichts ausgenomen, es sey aigen erbgu^et lehen sa^etze purkchrecht oder perkchrecht wie es genant oder wa es gelegen ist, in ains rechten und redlichen chauffes weise hingeben und ingeantbu^ert hat unsenn getrewn lieben Hainreichen von Walsse von Drosendorf und des pru^eder und Ulreichen weilent Hansen von Walsse seligen sun seinem vettern, die auch von des kauffes wegen dieselben hab und gu^eter aus der juden gewalt gelediget haben also, das die dieselben von Walsse, sein bru^eder vetter und erben die vorbeschaiden gu^oter mit aller czugehorung fu^erbas innehaben, messen besetczen und entseczen sullent und mugent als ander ir gu^eter und mit vollem gewalt und rechten als sy der vorgenant Fridreich von Walsse vormals besessen und gehabt hat, und wellen wir si auch darauf schirmen vor gewalt und vor unrecht ane geva^erde. Mit urchunde dicz briefs. Geben cze Wienn an freitag vor sand Johans tag ze sunebenden nach Christes gepu^erde drewczehenhundert jar darnach in dem sibenczigistem jare. Dominus comes Hermanus||
de Cilia et Wolfgangus de Winden.

Source Fulltext: OÖUB 8 (Wien 1883), S. 473f., Nr. 477