Wir Albrecht von Gots gnaden hertzog ze Osterreich ze Steyr ze Kernden und ze Krain graf ze Tyrol etc. embieten unsern getrewen dem richter und dem rate ze Steyr unser gnad und alles gu^et, wir emphelhen ew und wellen gar ernstlich bei unsern hulten, daz ir von unser wegen vast wendet und understet daz niemanden wer der sey mit seiner koufmanschaft heraus von Venedi u^eber den Piern vare noch arbaitte denn die rechten strazze u^ober die Zeyregg, auzgenomen unsern bu^ergern von Ens von Lintz von Wels von Gmunden und von der Freynstat, die su^elln und mu^egen mit ir hab und koufmanschaft varen alz das von alter herkomen ist, und swa ir daru^eber chomet auf solch koufmanschaft die man fu^er Ratstat oder ander ungewonlich strazzen heraus fu^eret u^eber den Piern und nicht fu^er unser mautstatt, daz ir die haftet und niderleget und die innhabet zu unsern handen. Daran tut ir gentzlich unser willen. Geben ze Lynnz an samztag vor sant Niclas tag M.ccc.Lxx. (millesimo trecentesimo septuagesimo).

Source Fulltext: OÖUB 8 (Wien 1883), S. 495f., Nr. 501