Wir Stephan der jünger pfalczgrafen bei Rein und herczog in Bayern tuen chunt offenlich mit dem brief, daz uns der edel wolgeborn unser lieber frewnt graf Ulrich von Schownberch berait gelihen hat hundert pfunt wienner pfenning, darumb wir zu sampt uns im und seinen erben ze selbscholen und ze porgen gesaczt haben Chunrat den Meilinger unsern camermaister also, wenne er seiner obgenanten phenning oder sein erben der niht lenger geraten noch enperen mu^egent, so sullen wir in die wider geben an allen iren schaden; teten wir dez nicht waz si dann dez schaden nement, denselben schaden su^ellen wir in genczlich und gar ablegen und widercheren an alle wideredd und an allez vercziehen. Mit urkund des briefs den wir in darüber geben versigelten mit unsrer baider anhan¬gunden insigeln versigelt. Geben ze Schounberch an montag vor pfingsten anno domini millesimo trecentesimo septuagesimo primo.

Source Fulltext: OÖUB 8 (Wien 1883), S. 527f., Nr. 533