Ich Eysal die Lawerinn die zeit priorinn des goczhauzz ze Pullgarn und mit mir das gancz covent daselbs frawn und herren wier verjehen, umb die fu^emf gueter genant das gu^et im Staineich und daz gu^et im Laineich das gu^et auf dem Pu^ehel das gu^et am Graben und das gu^et dacz Perlein auf der Strazz, die all gelegen sind in Gallennewnchircher pharr und lehen gewesen sind von unsern gna^edigen herren und stifftern hern Eberharten von Chapellen hern Hansen sun von Chappellen und hern Eberharten von Chappellen hern Ulriches sun von Chappellen den Go^et genad und die uns dieselben unser gna^edig herren geben habent zu^e unserm goczhaus gen Pulgarn zu^e aim rechten vrein aygen alz wir des iren brief haben u^eber die obgenanten gueter, daz wir in und iren erben ze aim rechten widerwechsel darumb geben haben und geben auch mit dem brief das fu^eder weins daz wir alle jar ja^erklich genomen haben datz Strazz in irer herschafft ze Valkenberk aus irem zehent daz uns ir vordern geben hetten zu^e dem egenanten unserm gotzhaus, und tu^en uns auch fu^ertzicht ewiklich mit dem brief des egenanten fu^eder weins also, daz wir noch dhain unser nachkomen chain ansprach nach dem egenanten fu^eder weins nymmermer haben sullen, und was wir brief hieten u^eber das offtgenant fu^eder weins dieselben brief su^ellent all tod und absein und chain chrafft nicht mer haben umb das obgenant fu^eder weins und su^est su^ellent si umb all sach pey irer chrafft beleiben an alain umb das offtgenant fu^eder weins nicht. und des ze u^erchund geben wir ich obgenante Eysal die Lawerynn priorinn und das gancz covent frawn und herren fu^er uns und all unser nachkomen in und allen iren erben und nachkomen den briefe versigelten mit unsern anhangenden insigeln, und der sach sind getzeugen die erbern Haunolt der Rewter die zeit lantrichter niderhalb der Enns und Ha^ertneyd der Schikch. Geben an sand Veytes tag nach Christes gepu^ertt drewtzehenhundert jar und darnach in dem zway und sibenczigistem jare.

Source Fulltext: OÖUB 8 (Wien 1883), S. 596f., Nr. 594