Ich Wolfhart von Winchel mein hausfraw und all unser baider eriben wir verjehen, . . . daz wir . . . nach dez landez recht ob der Enz zu eim rechten chauff zu chauffen haben geben unserm libem gna^edigen herrn hern Ru^egern von Starchenberg und allen seinen eriben und nachomen unsern hof zu Nidernwinchel und unser hofstat dabey und di paidew unser rechcz freis Stephannisch aigen gewesen sind, und ligent in der Riedmarich und in Gallnewnkircher pharr. Wir haben in auch den vorgenanten hof und hofstat zu chauffen geben auz unser nucz und gewer in di iren mit allen den ern rechten und nu^eczen di von alter darzu geho^ernt, . . . umb hundert phu^ent alter wienner phenning der si unz gancz und gar gericht und gewert habent . . . Daruber so geben wier in den brief ich egenanter Wolfhartt von Winchel fu^er mich und fu^er mein hausfrawen und fu^er all unser baider eriben und fu^er mein egenantew swester Agnesen und fu^er all ier eriben den brief versigelt mit meinem anhangundem insigel, und zu einer pezzern sicherhait under unszer libem sweher des Pierssen von Haselpachku^erchen und under unszer libem o^ehaim Hansen Simons sun von Velden anhangunden insigel. Und dez ist zeug der erber man Ulreich der Frodnaha^er zden zeiten phleger ze Riedekk und sallman der Stephanischen aigen di zu Riedekk geho^ernt. Und under di vorgenanten vier insigel verpindt ich mich egenantew Agnes Wolfharcz swester von Winchel und mit mir all mein eriben und nacho^emen, wann wir zder zeit nicht aigner insigel gehabt haben. Der prief ist gebn nach Kristcz gepurd u^eber drewczehen hundert jar darnach in dem drew und sibenczkistem jar an sand Peters tag.

Source Fulltext: OÖUB 8 (Wien 1883), S. 633f., Nr. 634