Ich Hawg von Valkchenstain di zeit herre ze Grunnburg und mein hawsfraw wir vergehen und tu^en chunt mit sampt unsern erben, daz wir ze chauffen haben geben unser halbe weinfu^er die wir gehabt haben auf der Gumppenhu^eeb in Chemnater pharre gelegen den erbern lewten Wilhalm von Aw^e und Law^etwein dem Schikchen purger ze Steyr und alln iren erben aus unser nutze und gewer in ir nutze und gewer umb ein gelt dez si uns gancz und gar gericht und gewert habent also beschaidenleich, daz wir noch alle unser erben noch alle unser nachcho^emen die die Herschaft ze Grunnburg nach uns besitzent nach derselben halben weinfu^or auf der Gumppenhüb nimmer mer dhain zu^espruche noch ansprach haben noch gewinnen sullen weder mit recht noch an recht, und tu^en uns auch der aller sache gantzleich und gar ze fu^erczicht mit dem prief. Wir sullen und wellen aucb derselben halben weinfu^er auf der Gumppenhu^eb ir gewer sein nach dem lantzrecht. Daz die rede fürbas staett und unverchert beleib dar uber gib ich Hawg von Valchenstein Wilhalm von Aw^e und Law^etwein dem Schikchen und ire erben den prief fu^er mich und mein erben und alle meine nachcho^emen zu^e ainem waren urchunde der warhait versigelten mit meinem anhangunden insigil, und zu^e ainer gu^eten getzewgnu^ezze mit dez erbern Petronis dez Hinderholtzer anhangunden insigil der der sache mit seinem insigil getzewg ist im an schaden. Geben nach Christi geburde uber drewtzehen hundert jar darnach in dem funnf und sibentzgisten jar dez ma^entags in der ersten vastwochen.

Source Fulltext: OÖUB 8 (Wien 1883), S. 744f., Nr. 723