Vnser Lieb vnd frewntschaft vnd waz wir gütes vermügen, wizzet vor von vns zu allen Zeiten . Lieber Swager vnd Sweher Graf Meinhart von Go^ertz . Wir lazzen ewer lieb wizzen, daz wir ietzu einen tag zu Pazzaw gesucht haben, mit vnserm O^eheim, Herczog Albrechten von O^esterreich, da ewer Rat auch bey gewesen ist, vnd haben in da ze red geseczt von dez Landes wegen Ysterreich vnd der Marich, daz ew, von ewerm brüder Graf Albrechten von Go^ertz säligen an erstorben ist, Vnd han in auch ze red geseczt, von vnsers Vettern Herczog Otten wegen; dem auch wider gu^ot brief gar vngu^etlich von den von O^esterreich beschicht, dez er zu grozzem schaden chumt, vnd in den sachen allen mocht vns dhain redlich end nicht werden, weder auf minn noch auf Recht vnd chunnen anders nicht versten, dann ein verziechen, daz vns vnd ew nicht nucz ist. Nu haben wir vernomen, . . die von O^esterreich mainen ietzu mit volkch ze ziehen durch ewer Land, Venedia^eni^e ze schaden, Biten wir ewer lieb vleizzig vnd getrawen ew wol, daz ir . . die von O^esterreich, noch niemant anders von iren wegen zu disen zeiten, durch ewer Land nicht ziehen lazzet, sunderlich daz . . den von Venedj ze schaden cho^em, Vnd dez monen wir ew auch ernstlich, bey der puntnu^ezz, alz ir vns schuldig seit, vnd auch niemant wider Venedia^er beholffen seit, alz lang, biz daz wir mit ew vnd andern vnsern frewnden, überain vnd ze rat werden, waz ew vnd vns in den sachen daz pestt vnd daz nuczlichist sey, vnd sunderlich senden wir ietzu zu ew vnsern Rat, mit sambt ewerm Rat. . den wir in den Sachen all vnser mainung wol enpfolhen haben, mit ew ze reden . Geben zu Pazzaw an Mitwochen nach sand Bartholomeus tag . Anno d(omi)ni Mill(esi)mo CCCmo Septuagesimo Sexto||
Von vns Stephan, ffridrichen vnd Johannß gebrüdern Pfallenczgrafen bey Rein vnd Herczogen in Beyern,

Source Fulltext: OÖUB 9 (Wien 1906), S. 142