Wir Albrecht von gotes genaden herczog ze Ossterreich, ze Steir, ze Kernden, ze Krain, graff ze Tyrol etc. enbieten vnserm getrewn Eberharten von Chappell dem Elttern vnsser gnad vnd alles gut, wannd wir vnderweiset sein, daz vnsser getrewn di puriger gemainleich ze Enns wedurffend sein, einen Stadl ze seczen zu dem gerust vnd irm werichzewg der puriger daselbs ze Enns ze wehalten, enphelichen wir dir ernstleich, wa die Puriger ein stat wellen, di darczu gelegen vnd fugleich sei, auf wes grvnde di sey gelegen, daz du schaffeft, vnd auch von vnssern wegen vestichleich darvmb nottest, daz man in die zu chawfen geb vmb ein solich gelt, daz mugleich vnd weschaidenlich sey, wann wir daz ernstleich maynen, geben ze wyenn am phincztag vor sand Lucein tag anno domini MccclxxVI.

Source Fulltext: OÖUB 9 (Wien 1906), S. 178-179