Wir Albrecht von gotes genaden, herczog ze Ossterreich, ze Steir, ze Kernden, vnd ze Krain, Graff ze Tyrol zc. enbieten vnssern getrewn, dem Richtter vnd dem Rat ze Enns vnsser gnad vnd alles gut, wand vns von ewrn wegen furgelegt ist, wie ew vnd vnsser Stat daselbs ze Enns nicht nuczleich sey, daz pier da ze prewn ynner der Stat so vil, als man endher getan gemachet da hat (sic), davon enphelichen wir ew ernstleich, daz ir mit gutem Rate gedenchet, vnd betrachtet, mit wie vil pier ze prewn di Stat da genuge habe nach gelegnhait der Stat vnd des landes, vnd daz also westellet vnd vestichleich seczet ze halten, vnd nicht anders, wenn wir daz ernstleichen maynen, vnd wer auch wider diselb ewr ordenung vnd ewr geseczde ta^ete in dhainem weg, den wolten wir gar swerleich darvmb pessern, geben ze wienn am phincztag nach sand lucein tag anno domini Millesimo trecentesimo Septuagesimo sexto.

Source Fulltext: OÖUB 9 (Wien 1906), S. 181