Jch Philipp der Stawffenperiger vnd mein Haufvraw vnd all vnser erben, Wir veriehen offenleich mit dem prief vnd tu^en chunt allen den di in an sehent ho^erent oder lesent, das wi^er mit wolbedachtem mu^et vnd nach vnser pesten frewnt rat vnd gu^etem willen ze der zeit vnd weil do wi^er es wol getu^en machten Recht vnd redleich ze chauffen haben gegeben vnsern Hof ze Vischpach vnd dar zu^e alle die rechten die wi^er haben gehabt an dem Pu^erkchstal da selbs das gelegen ist in Ro^erbekcher pha^er vnd in Veldner gericht vnd der vnser recht lehen ist von dem Goczhaus ze Passaw mit allen den eren rechten vnd nu^etzen di durch recht dar zu^e geho^erent ze Holtz ze veld oder ze Wismad versu^echt vnd vnuersu^echt vnd als wi^er in selb inne gehabt haben als er von alter her cho^emen ist dem erbern U^edunchen dem Herleinsperiger vnd seiner Hausvrawn vnd allen i^ern erben vmb ain gelt des wir von in gantz vnd gar verricht vnd gewert sein ze den rechten ta^egen an all scha^eden. Wi^er haben auch in den obgenanten Hof mit aller seiner zu^egeho^erung in geantwu^ert vnd pesta^ett mit aller sta^et vnd dar zu^e geho^ert aus vnser nu^ecz vnd gewer in di i^ern vnd haben fu^erzicht dar vmb getan vnd verzeichen vns auch des mit aller sta^et vnd dar zu^e geho^ert aus vnser nu^ecz vnd gewer in di i^ern vnd haben fu^erzicht dar vmb getan vnd verzeichen vns auch des gancz vnd gar mit dem prief mit der beschaiden das wi^er vnd all vnser erben vnd nachcho^emen chain ansprach noch chain wartung dar zu^e nymmer mer haben schu^ellen noch gewingen weder vil noch wenig weder mit recht noch an recht, nu^er alain das si allen i^ern frvmen do mit wol mu^egen vnd schu^ellen schaffen mit versetzen vnd mit verchauffen schaffen machen geben, wem si wellent recht als andrew i^er aygenhafte Hab an alle i^errung vnd mit vnserm gu^etleichem willen vnd wi^er in das mit rechter Herren Hant gemacht haben. Wir sein auch des obgenanten Hofes mit aller seiner zu^egeho^erung i^er recht gewern vnd fu^erstant an aller der stat, do in des not vnd du^erft geschiecht nach Lantz recht ob der Ens . ging aber in an der gewerschaft icht ab wie getan schaden si denn des na^emen, di schu^ellen wi^er ga^entzleich vnd gar in ablegen vnd wider cheren ir aines worten dar vmb ze gelawben an recht vnd vngesworn vnd schullen si das haben datz vnsern trewn vnd dar zu^e auf aller vnser Hab wo wi^er di haben auf wazzer oder auf Land versu^echt vnd vnuersu^echt vnd in welichem gericht si die an cho^ement, da habent si vollen gewalt vns ze phenten vnd ze no^etten als lang vnd als vil vntz das si Haubtgu^etz vnd schadens gericht vnd gewert werdent gantz vnd gar . Wer aber das wir oder yemant von vnsern wegen da wider vnd oben geschriben stet, ichtes auf erhu^eben, es wer mit recht oder an recht, des haben wi^er alles vnrecht vnd si recht vnd wi^er es alles verlorn vnd sew pehabt. Vnd des ze ainer pessern vesten vnd sta^eten v^erchunt geben wi^er in den prief versigelten vnd pestätt mit meins obgenanten philijpes des Sta^ewffenperiger vnd meins lieben pru^eder Herrn Sighartz des Stawffenperiger di zeit pharrer ze perig vnd mit meins lieben vettern dietleins des Tewrbanger anhangunden Jnsigel vnd ze ainer pezzern sicherhait vnd gezewgnu^ezz mit der erbern vnsers lieben frewntz Hansen des Premzzer di zeit phleger ze frewdenstain vnd Ludweigs von Newndling di zeit phleger ze Otenshaim vnd Ha^ensleins des Gru^eber di zeit Lantrichter ze Velden anhangunden Jnsigeln, die sie alle drey daran gehangen habent durch vnser vleizzigen pet willen in vnd allen irn erben an scha^eden. Das ist geschehen nach Christi gepu^erd v^eber drewczehen Hundert jar vnd dar nach in dem Sechs vnd Sibentzkisten Jar an sand Merteinstag.

Source Fulltext: OÖUB 9 (Wien 1906), S. 158-160