Wir Albrecht von gottes gnaden Hertzog zu O^esterreich, zu Steyr, zu Kernden vnd zu Krain, Graf zu Tyrol etc. Embieten vnsern getrewen — dem Richter, dem Rate vnnd den Burgern zu wells vnnser gnad vnd alles guet. Wir gebieten euch gar ernstlich vnd wellen, Jst, das dhain herr geistlicher oder weltlicher, wie der genant sey, Stewr an ew vordert von den gu^etern, die jr zu Lehen von jm habt, Das jr jm der nicht gebt vnd euch des setzt vntz an vnns. Wolt er euch aber darumb no^eten oder ichts beswa^erenn, Das sullt jr an vnns bringen vnuerzogenleich. Geben zu wienn an pfintztag vor sand Kolmanns tag Anno etc. LXXVI. dominus dux per C. notarium Curie.

Source Fulltext: OÖUB 9 (Wien 1906), S. 149-150