Jch Hanns Chrispelsteter, die zeit gesezzen ze Werdorn, ich Margret sein Hausfraw^o vnd all vnser Eriben veriehen — das wir — vnsern Hof gelegen doselbs ze Werdorn mit sambt Sechczikch Jeuchart Akcher fu^omfczehen tagwerch wismat vnd sechczikch Jeuch Holcz in dem Hekkental geraint an des Goczhauss ze Pazzaw Holcz, das do heizzet das perueld, die in den selben Hof geho^ernt, Darzu^e die Nidern mu^el ze Tulbing, die iarchleich dient zwai pfunt, vnd zwo Hofstet — zu^o Chu^enigsteten, die baid iarchleich dient fu^er grozzen und klainen dienst, drey schilling vnd einen pfenning, Ein Hofstat ze Zaizzenmaw^or, drey schilling, vnd ze Werdorn auf behaustem gu^ot fu^emf pfunt, siben schilling, dritthalben pfenning, auch doselbs ze Werdorn auf v^eberlent fu^emf Schilling vnd New/an Pfenning vnd ze Cha^eczleinstorff von Weingartten, an dem frawnperg, Achczikch pfenning alles Wienner Mu^enzz ia^erchlicher gu^elte, das alles mein vorgenanten Margreten rechtz va^eterleich erib ist gewesen, vnd mir zu^e fu^erzicht an rechter tailung gen meiner lieben Swester, Annen, Leujpleins des Tu^emair, die zeit Probst vor Jnprukke ze Pazzaw^o Haw^esfraw^en redleich geuallen ist, vnd das alles von dem — Herrn Albrechten Bischofen ze Pazzaw^e und von dem selben seinem Goczhaus enher Lehen ist gewesen, — dem selben vnserm — Herren Hern Albrechten Bischof ze Pazzaw^o vnd seinem Gotzhaus doselbs verchaufft haben — vmb zwai hundert vnd zwelif pfunt wienner pfening, der si vns — gantzleich — gewert haben, So bescheidenleich vnd mit ausgenomen worden, das derselbe — Bischof ze Pazzaw^o — den Hof ze werdorn — die Mu^ol, gu^eter vnd gu^elte — zu^e rechtem freyen aigen Gu^et innhaben — ausgenomen — die weinga^erten: des ersten, ein weingarten, genant der Lang weingarten — an dem menweg, ein Secz gelegen niderhalben sand Andre in dem hekkental, ein weingartt genant der Hummel — auch gelegen — doselbs niderhalben sand Andre, ein weingarten — oberhalb sand Andre, ein vierteil eins weingartten gelegen in dem Sweikkental vnd ein weingarten genant der fuller — bey künigsteten. — versprechen nun zu „geweren fu^or all ansprache, so des Lanndes ze O^esterich recht ist" — schadenersacz — zc. Vnd dar über zu^o vrkunde gib ich — den brief besigelten mit meinem — Hannsen Chrispelsteter angehangem insigel vnd zu^e zeugnu^ezze mit meins Swager des — Leujpleins des Tumair vnd mit meins vetern Gebharcz Chrispelsteter vnd des erbern Pernolts des Chlingenfurtter auch angehangen insigeln — demselben Chlingen¬furtter doch an schaden, dar under ich mich obgenante Margret mit sambt meinem wiert — verpinden — alles das — sta^et ze haben — das an dem brief ist geschriben, Der geben ist zu^o sand Po^elten an nachsten Mitichen nach sand Ambrosen tag, Nach Christi Gebu^erde 1377 iare.

Source Fulltext: OÖUB 9 (Wien 1906), S. 226-228