Jch Hertneid der Chramer purger ze Wels mit sampt allen meinen Erben veriehen — daz wir — mit vnsers perchherren Hant verchaufft haben vnsers rechten vreyn purchrecht czwen Weingerten . da von man dhainen zehent geit . genant di Hollenstainnerin di pey einander gelegen sint . nyderhalb Tyrnstainn pey Lewben zenachst ab dem Holnstain an ainer seiten vnd zu der andern selten ze nachst der Erbern Geistleichen vrawn der Chloster vrawn ze Tyrnstainn weingarten vnd da von man alle iar zu sant Johans Chajpellen auf der vest ze Tyrnstainn ze purchrecht dient vnd raiht vir wienner pfenning an sant Michels tag . vnd nicht mer . die obgenanten czwen weingerten haben wir — verchaufft vnd geben mit alle den eren nuczen rechten . vnd sunder ausgenomenleich mit der vreyung der zehentz vnd mit allen andern wirden vnd zugehorung . als wir vnd vnser vordern die in nucz vnd in gewer haben her pracht vmb Hvndert pfunt . vnd vmb achczich pfunt gueter wienner pfenning der wir gancz vnd gar gewert sein . der Edeln vrawn vrawn Elspeten von Chunrring Hern Eberharts witiben von Walsee ab der Steyrmarch . und dem Edeln Herren Hern Haidenreichen von Meyssaw obrister Schench in Osterrei^ech . — . wir sein auch der obgenanten weingerten vnd dez zehencz darauf ir recht gewer vnd scherm fur alle ansprach als purchrechtz recht ist in dem Lant ze Osterreich. wer aber daz daz sew mit recht an den selben Weingarten vnd zehent icht chrieg oder ansprach gewunnen . von wem daz wer . oder ob in daran ich (!) abgi^eng . Swaz sew dez schaden nemen . den si pey iren trewen wol gesprechen mugen vngesworn/e . daz sullen wir in alles ausrichten vnd genczleichen widerchern an all ir mue vnd scheden . vnd sullen sew auch daz haben auf vns, vnd auf alle dem vnd wi^er haben —. Vnd daz di sach vnd der chauf furbas also stet beleib vnd vnzebrochen dez geluben wi/r in alles stet ze halten vnuerschaidenleich pey vnsern trewn an alles gever . vnd geben in dar vber den brief zu einem vrchund der warhait vnd stetter gedaechtnuzz versigelten mit mein obgenanten Hertneidez dez Chramer anhangunden Jnsigel fur mich vnd fur mein Erben vnd nachchomen vnd mit dez Erbern Herren Herrn Hermans di zeit Chajpllan der obgenanten sant Johans Chajpelln ze Tirnstain auf der vest . vnd purchherr der obgenanten weingerten anhangunden Jnsigel mit dez willen vnd Hant der obgenant chauff geschechen ist vnd dez ist gezeug mein lieber Herr vnd Sweher Peter der alt Herisinger purger ze Enns mit seinem Anhangundem Jnsigel . daz er doran gelegt hat durch vnser pet willen im an schaden . Der brief ist geben do man zalt von Christi geburd Dreu czehen Hundert iar vnd in dem Syben vnd Sybencziksten iar dez nachst Svnntags vor sant Jorigen tag.

Source Fulltext: OÖUB 9 (Wien 1906), S. 234-235