JCH Ludweyg von Newndling, mein hausurow vnd alle mein Erben Su^en vnd To^echter wir vegehen fu^er vns vnd fu^er alle vnser Erben vnd Nachkomen vnd tu^en kunt offenleich mit dem brief allen den, die in lesent oder horent lesen, Daz wir von den erbern herren hern Ru^edolfen, hern Reymprechten vnd hern Fridreichen gebru^edern von Waltse vnd von irn Erben gechoufft vnd ze lehen haben nach des Lanndez recht ob der Enns die Vestt Rotenekk vnd alles das, das dartzu^e geho^eret, wie das genant ist nichts aufgenomen an allay(n) Rittermezzigew Lehen, die habent sie jn behalten vnd aufgenomen, daz si die leichen su^ellen, Also mit aufgenomenen worten, daz die vorgenant Vestt den egenanten vnsern herren von Waltse vnd allen irn Erben vnd Nachko^emen alletzeit offen sein sol, Si vnd die irn darin vnd daraus ze lazzen vnd darinne ze enthalten zu irn no^etdu^erften an allen vnsern Schaden, vnd wem wir dieselben Vestt ze chouffen geben, versetzen oder geben, vnd wer die nach vns innehat vnd besiczet, der sol ouch den egenanten vnsern herren von Waltse vnd allen irn Erben vnd Nachkomen damit wartund sein in alle dem rechten, als vorgeschriben stet. Vnd daru^eber so geben wir Jn den brief zu einem warn vrkund der Sach versigilten mit meim obgenanten Ludweygs von Newndling angehangem insigil vnd mit meins lieben O^ehems insigil hern Reychers des Walichs vnd mit meins lieben Swagers insigil hern Fridreichs des Trappen vnd mit meiner Heben vettern insigiln Ludweigs des Ludwestorffer (sic), vnd Wolfgangs des Ludbestorffer vom Stain vnd mit der erbern Rittern insigiln hern Otakchers des Wolfstains vnd hern Michels des V/etendorffer, die ich des alle vleizzichleich gepeten han, daz Si irew insigiln zu einer getzeugnuzz der Sach an den brief gehangen habent, Der geben ist ze Wienn nach kristi gepu^ert Drewtzehenhundert iar darnach in dem Syben vnd Sybentzgistem iar an Sand Antony tag.

Source Fulltext: OÖUB 9 (Wien 1906), S. 189-190