Wir Albrecht und Leupolt Gebrüder von gots gnaden Herczogen ze O^esterreich, ze Steyr, ze Kernden vnd ze Krain, Grafen ze Tyrol zc. Tu^on kunt, daz wir dem Erwirdigen vnsserm lieben Freund Hern Pilgreimen Erczbischofen ze Salzburg vnser sicherhait vnd gelait geben haben vnd geben auch wizzentlich mit disem brief zwischen hinnen vnd den nesten kunftigen sand Johans tag ze Sunnbenden, Also daz er vnd alle die mit im reitend, in der zeit durch vnssre Land sicher zu^o vns vnd von vns wider haim reitten mugen, vnd bei vns wonen vnd beleiben on alle Hindernuzz vnd geuer. Da von gebietten wir allen vnssern Haubtluten, Lantherren, Rittern vnd knechten Purggrafen, Richtern, Purgern vnd allen andern vnsern Amptluten vnd Vndertanen, den diser brief geczaigt wi^ert vnd wellen ernstlich, daz si in bei derselben vnsser sicherhait vnd dem gelaitte an alle widerred vnd beswerung beleiben lazzen, Vnd daz si in auch durch vnsere Land belaitten vnd sicher fu^eren zu vns vnd wider von vns, wo er vnd die mit im reittend des bedurffend vnd das an si vordern. Mit vrkund dicz briefs, Geben ze Wienn an Samztag nach Philippi et Jacobi Apostolorum. Anno domini Millesimo CCCmo LXXVIJ0.

Source Fulltext: OÖUB 9 (Wien 1906), S. 251-252