Wir Lampreht von gots gnaden, Byschoff, Heinrich Techand vnd daz gemein Capitel des Stifts ze Bamberg, wann/e wir vormals mit einander ein mu^etlichen sint ze rat worden, daz wir vnser vesten Fridbu^org, Frankembu^org. Atersee, Osterhouen, mit den gu^etern, dy dar zu^o gehoren, zu^o Beyern gelegen. wo^ellen vnserm Stift ze nu^ocz verkauffen. vnd daz gelt. daz dauon geuallen wirdet, vnd mag, empfolhen haben. von vnser aller wegen einzenemen vieren auz vnserm vorbenanten Capitel. vnd auch gelobt vnd gesworen haben. daz wir desselben geltes nicht sullen an werden, dann/e wy wir alle mit einander. oder der merer teil vnter vns werden ze rate, daz es dem Stifte aller nu^oczlichst sey. als dy brife daz eygentlicher auz sagen, dy wir dar u^eber mit vnserm vnsers Capitels. vnd anderer Stift ze Bamberg Jnsigeln haben versigelt vnd wann/e wir nu^e ein mu^etiglichen, mit einander sein v^eber ein kumen. daz man desselben geltes. hat geleget Vierzehen Tau^osent pfu^ont heller Bamberger weru^eng/e vnserm Stift ze nu^ocz vf dy behau^osu^enge dorff vnd gerihte zu^o Bu^erkebrach mit iren zu^ogeho^ern, vff einen widerkauff nach sage der brife dy dar u^eber sint geben, So bekennen wir für vns vnd vnser Nachkommen, wenn der widerkauff derselben gu^ot zu^o Bu^erkebrach, also geschicht, daz wir dann/e dy vorgenant virzehen Tau^osent pfu^ent heller weru^ong sullen widerlegen genczlich vnd gar, in der vorgenanten vier Capitel Herren, oder anderer, dy zu^o den zeiten an derselben stat werdent benant by den eyden, vnd in der mazze als dy brife sagen, dy wi^er vormals daru^ober haben geben on alles Geuerde. Mit vrkunde dits brifs mit vnsern hangenden Jnsigeln versigelt vnd geben ze Bamberg am dinstag nach sand Andrestag nach Crists gebu^ert drewzehen hu^endert Jar vnd dar nach in dem Syben vnd sybenezigstem Jare.

Source Fulltext: OÖUB 9 (Wien 1906), S. 360-361