Wir Albrecht vnd Leupold gebru^eder von gots ¹⁾ Gnaden Herczogen ze Österrich²⁾, ze Steyr, ze Kernden vnd ze Krain³⁾ Grafen ze Tyrol zc. Veriehen vnd tun kunt Offenlich mit disem brief, wie das ist, daz wir yeczunt vnser Land vnd Herscheft⁴⁾ williklich mit ainander⁶⁾ getailt haben, als die tailbrief weisent, die daruber gegeben sind, So ist doch billich, daz wir vnd vnser Erben, mit ganczen trewn vnd brüderlicher Lieb ewiklich⁵⁾ bey einander⁶⁾ beleiben, Dauon haben wir verhaizzen⁷⁾ vnd gelobt bey vnsern fürstlichen eren vnd wirdikaiten⁸⁾, welher vnder vns, des ersten mit dem tod abgeet, daz der ander sol desselben Kind9) getrewlich vnd lieplich ziehen, vnd si mit allen irn Landen, vnd Herscheften inn haben, vncz daz der Sun¹⁰⁾ ainr zu^o Sechczehen Jaren kümpt vnd vogtpa^er wirdet, Der sol dann die andern geswistreit¹¹⁾ ziehen vnd innhaben, vncz daz si auch gewachsent, Vnd all die weil vnser dhains Sün lebent, Sullen die to^echter nicht gewalt haben, v^eber Land vnd Leut, dann daz man si dauon wirdiklich¹²⁾ beraten sol, ob si vor nicht beraten oder verlobt weren, als das in vnserem Geslecht mit gu^oter ordnung vnd alter gewonhait herkomen ist, an alles geuerd, Geschech auch, da Got vor sey, daz vnser dhainer oder vnser dhains erben, darnach ane erben abgingen, des vnd der Land vnd Herscheft sullen all auf den andern, vnd sein erben geuallen, vnd erben, mit allen rechten, wirden vnd eren, als die vorgenanten Land vnd Herscheft herkomen sind, vnd mit allen nüczen vnd gülten, die darczu^e gehorent an alles geuerd. Ez sol auch dhainer vnder vns, noch sein erben, den andern noch sein erben seiner Land vnd Leut nicht enterben in dhainem weg, Es wer dann, des Gott nicht welle, daz er in not vnd Kumber geuiel, da durch er dhain stuk seiner Lannd vnd Herscheft verkauffen mu^este, So sol er das den andern oder sein erben vor anbringen, Wellent die dar czü steen, das sol er Jn vor allermeniklich¹³⁾ gunnen. Wer des nicht, so mag er es anderstat¹⁴⁾ verkauffen, wie Jm das aller pest fu^oget an alles¹⁵⁾ geuerd. Vnd daz die gema^echtnuzz vnd gelu^ebd, stet vnd vnczebrochen beleib, So hat vnser yetweder für sich selb vnd sein erben gesworn zu den Hailigen alles das ze volfu^eren, vnd ze vollaisten, daz hie oben an diesem brief geschriben stet, Den wir darüber mit vnsern grozzen furstlichen anhangunden Jnsigeln versigelten gegeben haben, in dem Kloster ze dem Newnperg an Mentag vor sand Michelstag, Nach Kristi gepurt¹⁶⁾ Dreutzehen Hundert Jarn, vnd darnach in dem Newn vnd Sibenczigistem Jare.

Source Fulltext: OÖUB 9 (Wien 1906), S. 707-708