Wir Albrecht vnd Leupolt gebrüder von gots¹⁾ gnaden Herczogen ze Österrich,²⁾ ze Steyr, ze Kernden vnd ze Krain Grafen ze Tyrol zc. Bekennen vnd tu^on kunt offenlich mit disem brif, Daz wir vns, durch bru/aderlich³⁾ lieb vnd trew^e, vnd durch frides vnd schirmes willen, vnser Land vnd Leut, für vnsselb vnd vnser Erben, mit vnsern Landen vnd Herscheften, ainer ewigen puntnuzz zu^e einander verphlicht vnd verpunden haben, Also ob ymand vnser ainem in sein Land zug vnd in wider recht angriff, oder im das sein wider recht vor hiett, daz dem, vnd seinen erben, der ander, vnd sein erben, süllen, mit allem irm vermugen getrewlich beigestendig vnd geholfen sein, wider allerma^eniklich, nyeman⁴⁾ auzgenomen, vnd sullen das tu^en furderlich vnd an alles vercziehen, als bald vnser dhainer oder sein erben, den andern, oder sein erben, des ermanent, vnd hat vnser ytweder,⁵⁾ bei seinen fürstlichen eren, vnd trewn gelopt⁶⁾ vnd zu^e den Heiligen für sich selb vnd sein erben gesworen, die obgenanten puntnuzz, stet ze haben vnd ze volfüren, als offt vnd dik des not geschiecht, Vnd wir oder vnser erben, darczu^e gevordert werden, an alles geuerd.⁷⁾ Es sol ouch⁸⁾ vnser entweder (sic) noch sein erben dhain puntnuzz tu^on noch aufnemen, die wider den andern vnd sein erben sey. Vnd des ze vrkund hiezzen wir vnsere grozzen furstlichen Jnsigele henken an disen brief, Der geben ward in dem Kloster ze dem Newnperg an Ma^entag vor sand Michelstag, Nach Kristi geburde⁹⁾ Druczehen¹⁰⁾ hundert iare, darnach in dem Newn vnd Sibenczigistem Jare.

Source Fulltext: OÖUB 9 (Wien 1906), S. 709