(I)ch Joerg der Stainbenter vnd ich Dorothea sein Haws fraw vnd all vnserr erben, wi^er veriechen —. Daz wi^er — mit vnsers rechten Lechen Herrn Hant Herrn Marchharts des Hawsler — ze chawffen haben geben Otten dem Cherspechen vnd Wolfgangen seim prvder vnd ir payder erben vnsern Halben Hoff gelegen in dem Chersenpach vnd ist genant an des Slatterer Hoff mit all de vnd dor czu geho^ert, — vmb an aynz zwainczig phunt phenning rechter wyenner munizz. —, wir sein auch des vorgenanten Halben Hoffs ir rechter scherm vnd gewer fu^er all ansproch als Lechens recht ist in dem Land ze o^esterreich — dor vber gib ich vorgenanter Jorig der Stainbenter dem vorgenanten Otten dem Cherspechen vnd Wolfgang seim prvder den Prief versiglt mit meinem anhangvnden¹⁾ vnd des ist ²⁾ czewg mein pru^eder fridrich der Stainbenter auch mit seinem anhangvnden Jnsigel vnd des sind auch czewgen dy erbern chnecht payd Dyetreich der Ayglspech vnd mein swager Jans der Winterstain dy wi^er vleizzig dor vmb gepeten, den payden an schaden. Der prif ist geben nach Christes gepu^erd drew czechen Hundert iar dar noch im Newn vnd Sybenczisten iar an der Heyligen drey Chunig Tag.

Source Fulltext: OÖUB 9 (Wien 1906), S. 557