Ich Hainrich von Walsse von Ens, ich Jacob der Strahner, ich Wernhart der Aistershaimer, ich Veyt der Anhanger vnd ich peter sein bruder, ich hans der Schifer, der elter, ich Leutolt der Espein, ich Hainrich der Ofen, ich helmhart der Anhanger auz der hofmarch, ich Wolfhart der Sinczendorffer, ich hans Sinczendorffer sein vetter, ich hans der Schifer der iu^enger, ich helmhart der Jo^erger, ich hans der Jo^erger helmhartz Sun, ich kristan der Rot, ich dietrich der Ofen, ich Jacob der Kirichperger, ich Jorgel vnd Alweigel die Ru^edlinger, ich Ortolf der Geuman, ich fridrich vnd Jacob gepru^eder die Scho^ennawr von Atterse, ich Wernhart der Etzlinger, ich vlrich Asenhaimer, ich vlrich Abeldinger, ich fridrich Vorster, ich fridrich Sinczinger, ich hans Schernhaimer, ich vlrich Imppendorffer vnd ich Gengel Imppendorffer, ich Chunrat Veldpek, ich hainrich Aystershaimer der elter vnd ich Reppel der Albrechtshaimer, des vorgenanten vnsers Herren von Walsse diener. Bekennen vnd tun kunt offenlich mit disem brief, vmb die sto^ezz vnd misshell, die zwischen dem edeln Herren graf Hainrichen von Schawnberg, vnd vns vnd aller vnser helffer vnd diener an geuerd vncz auf disen heutigen tag gewesen sind, Daz wir darumb williklich gegangen sein hinder den Hochgeborn fursten vnsern lieben gnedigen Herren Herczog Leupolten, Herczogen ze O^esterreich, ze Steyr, ze Kernden vnd ze Krain, Grafen ze Tyrol etc. Also, wie er Jn vnd vns darumb mit ainander berichtet mit minn oder mit dem rechten, Das verhaizzen wir stet ze haben vnd ze volfu^eren. Doch ist ze merken, daz darinn auzgenomen ist, Mendleins des Sinczendorffer todslag, vnd ich egenanter wernhart der Aistershaimer versprich fur Jo^ergen den Anhanger von Rewt, daz er auch sol den Hindergang stet haben, als da vor geschriben stet, Vnd darumb han ich der vorgenant hainrich von walsse, vnd wir Jacob der Strahner, wernhart Aistershaimer, hans Sifer der elter, Leutolt Espein, hainrich Ofen, hans Schifer der iunger, fridrich Vorster, Jacob Kirichperger vnsere Jnsigel gehenkt an disen brief. Vnd wan wir die obgenanten Veit Anhanger vnd peter sein pru^eder, helmhalt (!) der Anhanger auz der hofmarch, Wolfhart Sinczendorffer, hans Sinczendorffer sein vetter, helmhart Jo^erger, hans Jo^erger Sin Sun, kristen! der Rot, Dietrich der Ofen, Iorg vnd Alweig die Ru^edlinger, Ortolf Gewman, fridrich vnd Iacob die Scho^ennawer, wernhart der Etzlinger, vlrich Asenhaimer, Vlrich Albedinger, fridrich Vorster, fridrich Sinczinger, hans Schernhaimer, vlrich Imppendorffer, Gengel Impendorffer, Chunrat Veldpek, hainrich Aistershaimer vnd Reppel Albrechtshaimer vnsere aigne jnsigel bey vns nicht haben, haben wir vns verpunden vnder der egenanten vnsers Herren von Walsse vnd der andern Insigel, die an disem brief hangent, Der gebenist ze¹⁾ Lincz an sand Gallen tag. Nach Kristi gepurd dreuczehenhundert Jar, darnach in dem newn vnd Sibenczigistem Jar.

Source Fulltext: OÖUB 9 (Wien 1906), S. 719-720