JCH Herbort der Winchkler vnd ich elzpet sein hausfraw vnd vnser erben, Wi^er veriehen vnd tu^en chunt mit dem prief allen leuten, di in sehent, lesent oder ho^erent lesen, di nu^e lebent oder her noch chünftig sint, Daz wir mit vnser erben gu^eten willen vnd gunst vnd mit gesampter hant zu^e der zeit, do wir es wol tu^en möchten, vnd mit vnsers Amptmans hant hern hainreichs des prenner di czeit Amptman vnser vraw^en gotshaus zu^e Newnbu^erg chlo^esterhalben mit rechter fu^erziht verchauft haben vnser hofstat weingarten, daz emalen ain haus an ist gewesen. Nu^e hat mein gna^ediger herr der erwirdig herr probst cholman vnser vrawen gotshaus zu^e Newnbu^erg in das erlaubt, ob di hofstat den Gruntdienst getragen mu^eg, So schüll man in lazzen daz haus ab prechen. den mag di hofstat wol getragen also, daz alle recht schüllen vol pracht werden von der hofstat vor dem amptman, wer der ist, des gotshaus vnser vrawen über di Staingrvb, vnd dez ist pot gewesen Seyfride der Stechk gegen meim hern. vnd leit dew hofstat jn der Staingru^eb zu^o nachst mein egenanten herbortz haus vnd stöst an der hern hofstat von Walthausen, Do man alle Jar von der hofmarch vnd hofstat daran dient vnser vraw^en gotshaus zu^e grunt dienst an sant michels tag Sehczehen wienner phenning vnd waz mit alter dar auf her chömen ist vnd nicht mer. Dew egenanten hofstat haben wir mit rechter fürczicht verchauft vnd geben vmb vi^er phunt vnd Sibenczig phennig alles wienner müntz, der wir gar vnd gancz verricht vnd gewert sein zu^e rechten tägen, dem Erbern Gotshaus zu^e Walthawsen vnd dem ganczen Conuent gemain desselben gotshaus zu^e walthawsen jn vnd allen iren nochcho^emen fürbas ledichleich vnd vreyleich ze haben, allen iren frumen da mit ze schaffen mit verchauffen, mit verseczen vnd geben, wem si wellent, an allen i^ersal, alz jn daz aller pest fu^egunt ist. Auch ist ze merchken, daz ich egenanter Herbort Winchkler vnd ich elzpet sein hausfraw^e vnd vnser erben haben Jn geben dem egenanten Gotshaus zu^e Walthawsen ain ganczen versigelten chauf prief, der sagt, daz ich egenanter herbort winchkler mit gesampter hant daz obgenant haus mit sampt der hofstat, daz nu^e zu^e ainer ganczen hofstat gemacht ist, gechauft hab von christan dem Sin auch mit gesampter hant. Ob daz wa^er, daz si icht chrieg oder ansprach gewunnen an der egenanten hofstat weingarten, oder ob Jn mit recht dar an icht ab gieng, von welherlay erben oder ansprach das wa^er mit recht, So schüllen si mi^er oder mein erben den obgenanten chauf prief wider jn geben ganczen vnd vnczepröchen mit sampt dem chauf prief, domit sey wir ir gwer vnd scherm für alle ansprach, alz dez Landes recht ist jn Österrich. Wa^er aber, daz di prief verlaren oder zu^epröchen wu^erden vnd für recht nicht pracht wu^erden, So sei wir vnd auch vnser Amptman, wer der ist di zeit, des scherm vnengolten. Vnd waz Jn fürbas mit recht dar an ab get, daz schu^ellen wi^er Jn allez ab legen, aus richten vnd wider cheren an allen iren schaden vnd mue, Vnd waz Jn daran abget, daz schu^ellen si haben auf vns vnd vnuerschaidenleich auf allen dem gu^et, das wi^er haben, wi^er sein lebentig oder töt. Vnd dez zu^e vrchu^end diser sach, wann ich egenanter herbort winchkler niht aigen Jnsigel han, So gib ich dem egenanten Gotshaus zu^e Walthawsen mit gesampter hant den prief versigelt mit meins Amptmans Jnsigel hern Hainreichs des Prenner, wann ich Jn des vleizzig gepeten han. Dar zu^e han ich vleizzig gepeten di zwen erbern mann Niclasen von mu^eczesperg di zeit ainer des Rats der stat zu Newnbu^erg vnd Seyfride den Stechken, wann er di potschaft gewarfen hat, daz si der sach auch zeug sein mit iren Jnsigeln. Der prief ist geben noch christi gepu^erd drewczehen Hundert Jar, dar noch jn dem A^echczigistem Jar acht tag vor dem Phingst Tage.

Source Fulltext: OÖUB 9 (Wien 1906), S. 845-846