Wir Albrecht von Gots gnaden herczog ze Österreich ze Steyr ze Kernden vnd ze Krain graf ze Tyrol zc. tun chunt, daz wir dem erwirdigen vnserm lieben freunt hern Johansen bischofen ze Pazzow gelobt vnd versprochen haben, geloben vnd versprechen im ovch wizzentlich mit dem brief, daz wir im ynner der zeit, vnd vns die acht tausent phunt phenning von im beczalt sullen werden, antwurtten vnd geben sullen vnd wellen die zwen saczbrief, die der lantgraf von Leuchtenperg yecz innhat, die da lautend vber den sacz, den der von Pazzow dem von Schownberg getan hat, vnd sullen im ouch in der vorgenanten zeit in antwurten die brief vber Riedegg des Volkesdorffer des Starchenberger vnd des Losensteiner brief, die vns ouch um werden sullend. Mit vrchund dicz briefs geben ze Lyncz an Samcztag nach sand Gallen tag nach Krists geburd dreuczehen hundert iar darnach in dem dreu vnd achczigistem iare.||
Dominus dux per dominum P. de T. qui audivit.

Source Fulltext: OÖUB 10 (Wien 1933), S. 223-224