Ich Eberhart von Kappellen haubtman ze Enns vergich, das ich Chunrat dem Pestlein von der Freinstat verlihen hab nach landes recht ze Österreich vnd auch das er seiner prueder lehentrager sey ainen hoff genant dacz Grueb in Lasperger pfarr vnd gelegen pey Walichshoff. Ich pin auch des obgenanten hofs ir rechter herr vnd scherm, als lehens vnd landes recht ist in Osterreich. Ez sol auch hinfur aller hanndel geschehen mit lehenherren hant. Mit vrchunde des briefs versigelt mit meinem anhanngundem insigel, geben ze Enns am Pfincztag nach sand Dorothea tag in dem vier vnd akchtzigstem jar.

Source Fulltext: OÖUB 10 (Wien 1933), S. 238