Wir Albrecht von Gots gnaden herczog ze Österreich ze Steyr ze Kernden vnd ze Krayn graf ze Tyrol etc. bekennen vnd tun chunt, daz wir vnserm getrewen lieben Reynprechten von Walsse vnserm haubtmann ob der Ens gelobt vnd versprochen haben, geloben vnd versprechen auch wizzentleich mit dem brief, daz wir in von vnserr haubtmanschaft ob der Ens nicht entseczen sullen, wir haben denn vor von im erledigt vnd erlöset vnser vesten vnd herscheften ze Neumburg auf dem In vnd ze Valkenstain mit allen andern iren zugehörungen vmb als uil gelts, so im denn dieselb herschaft stet. Er sol vns auch derselben losung stat tun, swenn wir die an in vordern mit dem vorgenanten seinem gelt ane vercziehen. Mit vrchund dicz briefs geben ze Wienn an Mentag vor sand Matheus tag des heiligen zwelifboten vnd ewangelisten nach Christes gepurd dreuczehen hundert iar darnach in dem vier vnd achczigisten iare.||
Dominus dux.

Source Fulltext: OÖUB 10 (Wien 1933), S. 278