Wir Albrecht von Gots gnaden herczog ze Österreich ze Steyr ze Kernden vnd ze Krain graf ze Tyrol etc. tun chunt, daz vnser getrewr Marchard der Stadler die erbern Annen die Pehaminn sein eliche housfrown für ir morgengab vnd widerlegung mit vnserr gunst vnd guten willen geweist hat auf den hof gnant im Schachen, in Tudecher pharr gelegen, der von vns ze lehen ist, also daz si vnd ir erben denselben hof mit seiner zugehörung innhaben vnd niezzen sullen, als lehens morgengab widerlegung vnd des landes recht ist. Mit vrchund dicz briefs, geben ze Wienn an sand Agness tag nach Christs geburd dreuczehenhundert iar darnach in dem vier vnd achczigistem iare.||
Dominus dux per se.

Source Fulltext: OÖUB 10 (Wien 1933), S. 236