Ich Jörig von Waltsse vnd mein eriben vergehen offenlich mit dem prif, das ich verlihen hab zu rechtem eribrecht Henslein dem Planchen seiner hawsfrawn vnd allen irn eriben mein wizz gelegen pey dem vntern Lehen in Wartperger pharr, do von scholl er allen dinst iärleich raichen, alls von allter her chomen ist, vnd wer ab dem gut vert, der schol geben zweliff phenning, vnd wer dar auf vert, zweliff phening wienner. Vnd des ze vrchund gib ich in den offen prif versigelt mit meinem anhangunden insigel. Der prief ist geben nach Christi gepurt drewczehen hundert iar darnach in dem syben vnd achczikisten jar an sand Dorothea tag der heiligen junchfrawn.

Source Fulltext: OÖUB 10 (Wien 1933), S. 424-425