Wir Wilhalm und Albrecht etc. bekennen, als weilent der hochgeborn fürst vnser lieber herr vetter vnd vater herczog Albrecht seliger gedechtnuzz Wenczlawen dem Prewhafen seligen vnd Ernsten seinem bruder vnser vest ze Klingenberg im Machland ir bayder lebteg zu ainem leibgeding hat ingegeben vnd die wir nach des egenanten Wenczla tod dem vorgenanten Ernsten vnd von sundern gnaden Jörglein seinem sun auch haben ir bayder lebteg zu leibgeding ingegeben vnd empfolhen. Also maynen vnd wellen wir ernstleich, daz nyemand auf dieselb vnser vest Klingenberg noch auf die güter vnd gülte, so darczu gehörent von des egenanten Wenczla seligen geltschuld wegen sol noch mag weisen oder klagen in dhainem weg. Mit vrkund dicz briefs geben ze Wienn an sand Cholmanstag martyris nach Kristi gepurd drewczehenhundert iar darnach in dem sibenvndnewnczigisten jare.

Source Fulltext: OÖUB 11 (Wien 1983), S. 648-649