Wir Albrecht von Gottes gnaden herzoge ze Österreich ze Steyr ze Khernden und ze Khrayn graue ze Tyrol etz. bekhennen vmb die vest zu Marchpach vnd dass kurchenlehen daselbs, die vnsers lieben getreuen Hainreichs von Walsee lehen von vns sindt, daz wir demselben von Walsee durch seiner fleissigen bett willen vnd auch von sondern gnaden gegunet haben vnd gunen auch wissentleich mit dem brieff, daz er die vorgenant vest vnd daz khurchen lehen mit irer zuegehörung verer geleichen mag einen oder menigern vnser getreuen vnd vnderthannen in vnserm landt gesessen, als offt dass zu schulden kuembt doch vns vnd vnser erben vnvergreiffenleich an vnser manschafft vnd rechten, die wir darauf haben. Mit vrkhundt diz briefs geben ze Wienn an Pfinztag vor sand Veitstag nach Christi geburth dreyzehenhundert jar, darnach in dem achtvndneunzigsten jare.

Source Fulltext: OÖUB 11 (Wien 1983), S. 705