Wir Albrecht von Gotes gnaden herczog ze Österreich ze Steyr ze Kernden vnd ze Krain graue ze Tyrol etc. bechennen, daz vnser getrewr lieber Albrecht der Volkenstorffer die erbern Elzpethen sein eleiche hausfrawn mit vnserr hand gunst vnd guten willen vmb ir haimstewr geweiset hat auf die nachgeschriben guter, die sein lehen von vns sind: des ersten auf das hinder haws ze Chreutzen, als das mit dem hausperg vmbfangen ist, vnd auf zwai tail zehents gelegen in den drin pharren ze Chreuczen ze Grein vnd ze Newnchirchen, also daz dieselb Elspeth vnd ir erben ir haimstewr auf den egenanten lehen vnd iren zugehörungen haben vnd niessen sullen, als haimstewr lehens und lards recht ist, vngeverlich, doch vns vnd vnsern erben vnvergriffenlich an vnser lehenschaft. Mit vrchunt dicz briefs geben ze Wienn an Eritag in den Phingstfeirtagen nach Kristi gepurd drewczehenhundert jare darnach in dem achtvndnewnczigisten jaren.||
Dominus dux per Hoh. juniorem.

Source Fulltext: OÖUB 11 (Wien 1983), S. 699