Honorius episcopus servus servorum dei dilectis filiis magistro et fra- tribus hospitalis sancte Marie Theotonicorum Ierosolimitani salutem et aposto- licam benedictionem. Cum vos tanquam speciales ecclesie Romane filios religionis intuitu et consideratione obsequii, quod in ultramarinis partibus in defensione nominis christiani deo ferventer impenditis, semper apostolica sedes sincera caritate dilexerit et specialia curaverit privilegia indulgere; nostro im- minet officio providendum, ut, si per falsam suggestionem aut tacendi fraudem littere a nobis contra ipsa privilegia emanaverint, nullum ex eis libertas vestra sustineat detrimentum. Eapropter auctoritate vobis apostolica indulgemus, ut, si contra privilegia vestra littere a quoquam per subrepcionem contra pri- vilegiorum ipsorum tenorem obtente nisi ex certa conscientia nostra procedant, in iudicio alicuius non teneamini disceptare, salva moderatione concilii gene- ralis. Nulli ergo omnino hominum liceat hanc paginam nostre concessionis infringere vel ei ausu tenerario contraire. Si quis autem hoc attemptare pre- sumpserit, indignationem omnipotentis dei et beatorum Petri et Pauli apo- stolorum eius se noverit incursurum. Datum Laterani xviii kal. februarii pontificatus nostri anno quinto.

Sine dato: I, 74; II, 96 n. 21; A. 16 p. 94 „Iuncis°, p. 112 „Treviris"; B. 153 „Iuncis\ A. 20 n. 21 Latine et Germanice cum nota: in Bysen. — Cum dato: Laterani xviii kal. februar. p. n. a. 5. R. 142 intcr Treverensia. — Citat catalogus archivi ois. Thci. Vindobonensis privilegium eiusdem dati et tenoris cum bulla plumbea in filis sericeis appensa, quondam Treveris asserva- tum, quod tamen incipiat: „Vestra religio". — Cum dato: Tybure ii kal. iunii p. n. a. 9. R. 77 inter Mergenthemensia n. 30. Or. cum bulla in filis sericeis appendente quondam Veteribus Iuncis, nunc in archivo ordinis Theutonici Vindobonensi.