Notum sit omnibus tam presentibus quam futuris, quod de querela, que vertebatur inter Martinum Roziam civem Ianuensem ex una parte et fratrem Hermannum magistrum hospitalis Alamanorum de Acon ex altera parte de quadam domo, que est in Tyro, que fuit quondam Theodori Suriani, ambe partes arbitrio domini Al(berti) venerabilis patriarche Ierosolimitani se comi- serunt, quicquid ipse inde dictaret, ratum et illibatum habituri. Quo in casu idem dominus patriarcha visis, discussis et cognitis utriusque partis rationibus dixit et precepit, quod supradictus Martinus Rozia faceret finem et refutatio- nem et pactum de non petendo per transactionem de predicta domo supra- dicto fratri Hermanno et per eum supradicto hospitali Alamannorum, ita quod de cetero predictus Martinus Rozia vel alius pro eo dicto fratri Harmanno vel dicto bospitali vel alteri pro ipsis pro predicta domo vel occasione predicte domus nullam posset movere vel facere questionem. Dixit eciam idem domi- nus patriarcha, quod predictus frater Harmannus daret iam dicto Martino Rozie pro predicto fine et refutatione de predicta domo bisancios lx° sarracenatos de Syria bonos et iusti ponderis. Quare dictus Martinus Rozia civis Ianuensis fecit finem et refutacionem et pactum de non petendo per transactionem de sepedicta domo prefato fratri Armanno et per eum sepedicto hospitali et eius successoribus in perpetuum in eodem hospitali, ita quod de cetero ipse Mar- tinus Rozia vel alius pro eo prefato fratri Armanno vel dicto hospitali vel alteri pro ipsis de predicta domo vel occasione predicte domus nullam posset movere vel facere questionem, abrenuncians omni iuri et legum et consuetu- dinum terre auxilio et instrumentis, quibus iuvari posset in hoc casu, et spe- cialiter illi privilegio, quod habet, in quo continetur confirmatio donationis de predicta domo ipsi Martino facte1. Et ad maius robur et firmitatem habendam ipse Martinus dedit fratri Armanno quoddam aliud privilegium, quod habebat de eadem domo. Insuper ipse Martinus vocavit se solutum et quietum de su- pradictis bisantiis lx° sarracenatis de Syria, abrenuncians excepcioni non nu- merate pecunie vel non ponderati auri vel non accepte rei. Alioquin, si contra faceret, penam dupli ipsi fratri Armanno promisit et per eum suis successo- ribus, in eodem hospitali supradicto et pro sorte et pena omnia bona sua

habita et habenda illi pignori obligavit. Testes: dominus Galterius Acconensis episcopus, et frater Lodoicus et Aldo, ecclesie sancte crucis de Accon cano- nicus, et Obertus Aurie, et Nicholaus Spinola. Actum Accon in palatio ipsius domini patriarche anno nativitatis dominice m* cc* xl* indictione xii°3 die quinta decima exeuntis februarii3 post vesperas. Postea vero scilicet die vicesima eius- dem mensis Iacobus de Marino et Lanfrancus de Mari tunc consules Ianuenses in Syria in presencia Guillelmi de Nigro et Ingonis Spinole et Corradi de Mari testium ad hoc vocatorum predictam concordiam approbaverunt et con- firmaverunt et auctoritate sua corroboraverunt. Stephanus de Valencia, Ianuen- sis notarius in Syria, rogatus scripsit.

I, 27 v. o. 59. Indictio xv in annum 12112 quadraret; ita ut hic liceat statuere computatum annum „secundum morem patriarchatus Hierosolimitanisecundum quem diploma ap. Fauli I, 192 editum est anno 1270 ind. xiv martii 11, secundum cursum Pisanum, anno usque ad mar- tii 25 eodem atque solito, 1271. 1. cf. supra n. 24 1189 septembr. 2. B pro xv* ut videtur. 3. febrorii B.