Ego Iohannes dei gracia Latinorum Ierusalem rex decimus notum facio omnibus tam presentibus quam futuris, quod Iniorannus dominus Bove coram me et curia mea vendidit fratri Hermanno magistro domus sancte Marie Theu- tonicorum Ierusalem et fratribus eiusdem domus presentibus et futuris domum unam in Tyro cum omnibus introitibus et exitibus, terraciis, appendiciis et aliis iuribus suis inferius et superius. Fuit equidem domus dicta vendita pro m bisantiis sarracenatis ad pondus Accon ponderatis, de quibus dictus Inno- rannus se bene pagatum confessus est. Dicte domus situs talis est: a parte orientali habet mare, quod verberat ad pedem muri ipsius domus; a parte occidentali extenditur usque ad vicum, qui ducit a la tenerie1; a parte meridio- nali propinqua est cuidam domui hospitalis sancti Iohannis, que fuit de Sanche Martin; a parte septentrionali extenditur usque ad domum Eustachii Buseke et fratrum eius. Ego vero hanc vendicionem et empcionem laudavi et con- cessi et ad utriusque partis peticionem presentem cartam sigilli mei muni- mine et testibus subscriptis feci roborari. Huius rei testes sunt Balianus, do- minus Sydonis; Oddo de Montebeliardo, regni constabularius; Garnerus Ala- mannus; Rohardus, dominus Cayphe; Gaufridus de Caffran; Aymo Alamannus; Daniel de Malenbech; Iohannes Coste; Gaufridus Tortus. Actum anno domi- nice incarnationis m° cc* xx° ii° mense aprilis.

I, 26 v. n. 54. '1. sic etiam in n. 56 antea legebatur.