Honorius episcopus servus servorum dei venerabilibus fratribus archi- episcopis et episcopis et dilectis filiis abbatibus, prioribus, decanis, archidiaconis, prepositis, archipresbiteris et aliis ecclesiarum prelatis, ad quos littere iste pervenerint, salutem et apostolicam benedictionem. Cum apostolica sedes dilectis filiis fratribus domus hospitalis sancte Marie Theotonicorum Ieroso- limitani indulserit, ut corpora fratrum1 suorum ecclesiastice possint tradere sepultura, dignum est, ut super hoc apostolica statuta serventur. Mandamus itaque vobis atque precipimus, quatinus memoratis fratribus nullam molestiam inferatis vel a subditis vestris permittatis inferri, quominus confratres suos, nisi excommunicati vel nominatim interdicti decesserint, libere more aliorum fidelium, quandocunque ipsos mori contigerit, valeant sepelire. Eosdem quoque fratres ad querendas elemosinas pauperum, iuxta indulgenciam nostram in ecclesiis vestris recipi faciatis et, si qui subditorum vestrorum eis super hoc impedimentum prestiterint, sublato appellationis obstaculo censura canonica compescatis. Datum Laterani xiiii kal. februarii pontificatus nostri anno v.

Sine dato: I. 70; II, 93; A. 20 n. 14 Latine et Germanice. — Cum dato: Laterani xiiii kal. febr. p. n. a. 5 bis in B.: 1. 61 n. 19 privilegiorum in Ratisponensi domo asservatorum; 2. 38 intcr Ellingensia 22, tanquam apographum transsumti Accon 1277 oct. 19 per Bonacursum Tyrensem archicpiscopum ct Gailardum Bethleemitanum episcopum confecti. A. 16 p.5 „Venetiis". 1. addit serior manus: con I. confratrum A. 20.