Honorius episcopus servus servorum dei venerabilibus fratribus archi- episcopis et episcopis et dilectis filiis abbatibus, prioribus, archidiaconis, de- canis et aliis ecclesiarum prelatis, ad quos littere pervenerint, salutem et apostolicam benedictionem. Quanto maior ab universis dei fidelibus apo- stolice sedi reverencia exhibetur et quanto ab eisdem sacrosancte Romane ecclesie et nobis ipsis honor et maius vinculum caritatis offertur, tanto am- plius in eorum tuicione nos convenit esse sollicitos atque ex nostri auctori- tate officii de eorundem utilitatibus attencius cogitare1 et tam ipsos quam eo- rum bona protegere a3 malignorum incursibus et rapinis. Illos autem summi pontificatus officium nos ammonet et hortatur in suo iure fovere specialiter atque a pravorum incursione defendere ac tueri, quos in caritate ferventes agnoscimus et in opere perpendimus efficaces. Qualiter autem dilecti filii fra- tres hospitalis sancte Marie Theotonicorum Ierosolimitani parentes, patriam et propinquos intuitu eternorum reliquerint et qualiter de terra sua et cognatione egressi ad terram viventium, terram videlicet promissionis, quam monstravit deus diligentibus se, ardenti desiderio et ferventi caritate aspirent, vobis non extat incognitum, cum universo orbi fere sit manifestum. Ipsi nimirum vivi- fice crucis signum ad ignitorum serpentum et malignorum spirituum expulsio- nem et defensionem anime et etiam corporis portantes in pectore salvatorem mundi sequuntur et elemosinas per diversas partes orbis colligere et illas ad terram, quam dominus corporaliter visitavit, ad opus pauperum, refectionem

infirmorum ac illorum sustentationem, qui non habent, ubi caput reclinent, student diligentissime transportare. Inde est, quod tam fortes Christi ath- letas in suo sancto proposito volentes attentius confovere, ad defensionem eo- rundem sollicitudinem vestram duximus commendandam, ut magis ac magis possint ad promovendum propositum, quod sumpserunt, intendere, cum fuerint sollicitudine prelatorum ecclesie a malignantium inquietatione securi. Monemus itaque universitatem vestram, hortamur atque precipimus, quatenus, si quando parrochiani vestri in aliquem predictorum fratrum ipsum capiendo vel de suis equitaturis deiciendo vel alias inhoneste tractando violentas manus iDiciunt, huiusmodi presumptores sublato appellationis remedio candelis accensis di- latione et occasione postpositis excommunicatos publice nuntietis et tam diu faciatis sicut excommunicatos artius evitari, donec passo iniuriam satisfaciant competenter et pro absolutionis beneficio impetrando apostolico se conspectui cum diocesani episcopi litteris representent. Eos vero, qui in dictos fratres manus iniciunt violentas et equitaturas aut alia bona eorum diripiunt violenter, si a vobis commoniti ablata eis noluerint restituere et de illatis iniuriis sa- tisfactionem congruam exhibere, vinculo anathematis astringatis et ipsos usque ad satisfactionem condignam teneatis astrictos. Datum Laterani vi idus fe- bruarii pontificatus nostri anno v.

Sine dato: II, 111 n. 70; A. 20 n. 68 Latinc et Germanice cum nota: in Mergintheym.— Cum dato: R. 64 e domo Mergenthcmensi. 1. excogitare II, A. 20. 2. ab i. m. e. r.