Je Julien, seignor de Seete et de Biaufort, faz a saveir a toz ceaus qui sont et seront, que vindrent en ma presence et de ma cort Johan de la Tor, conestable de Seete, et Ysabeau, sa loyal espouse, conestablesce de Seete, et por les biensfaiz et les bontes, que il ount receu de la sainte maison de 1'ho- spital de nostre dame des Alamans de Jerusalem, donerent et otroyerent par lor bone volente en perpetuel aumohne franchement et quitement sainz servise et sains aucune maniere de redevance a frere Anne honorable maistre de la dite maison et as freres de cele meisme maison qui sont et seront et a luer successors totes les raisons et les droitures, que il et lor heirs ont et avoir devont au casal, qui a nom Cafar-facouh, qui est en la terre dou Sschuff, o totes ses apartenances et o1 tot son terroir et o totes ses divises et o totes ses possessions et ses teneures et ses raisons et ses droitures quelque elles seent et en quelque leuc que elles soient en homes, en femes, en enfanz, en terres laborees et non laborees, en plains, en montaignies, en montees, en valees, en bois, en rivieres, en pasturages, en aigues, en molins, en arbres, en vignies, en cortilz, en jardins, en chemins et hors chemins et en totes autres choses, que ici sunt moties et non moties. Por le quel devant dit don et aumohne le devant dit conestable et sa devant dite espouse reconurent devant mei et devant ma dite cort, que il dou devant dit maistre de la dite maison des Alemans et des freres de cele meesme mayson ont receu quatre mile besanz sarracinas au pois d'Acre, les quelex besanz il reconurent et confesserent que * il les avoient euz et receuz enterinement bien pesez et bien nombrez et re- noncierent por auz et por lor heirs a toutes ecceptions, que il ne lor heirs ne puissent dire ne se defendre, que il n'en ayent euz et receuz les besanz devant diz enterinement. Por la quel chose le devant nome conestable et sa dite espouse por aus et por lor heirs promirent et sont tenuz al devant dit mai- stre et as freres de la dite maison, qui sont et qui seront, que il et lor heirs garentiront et defenderont et maintendront le devant dit casal a la mayson devant dite ou toutes ses apartenances ensi com il est dessus devise de toz contensons, de toz chalonges, de toutez requestes, de toz travailee a lor propre despens contre toutez genz cristienees, qui por achason de 1'aumohne et dou don, que il lor ont done dou dit casal, les travaillieroient ou vorroient tra- vaillier. Et por ce que cest devant dit don et aumohne furent faiz en ma presence et de ma cort, je por la priere dou dit conestable et s'espouse de-

vant dite et por 1'amor, que je ai a la devant dite mayson, 1'ay otroie et vueil, que il soit estable a toz jors mais ensi com il est dit dessus et le conferme par cest privilege pardurablement ensi, que je ne nul de mes heirs ne nule autre persone ne puissons aler a 1'encontre en tout ou en partie, ai je fait faire cest present privilege et seeller de ma boule de plomb empreint de mes drois coinz de ma seignorie de Seete. Ce fu fait en 1'an de 1'incarnation nostre seignor Jhesu Crist m et cc et Ivii mercredi a xx jors del mois de mars. Et ce sont les garens: Phelippe de Biaufort; Jofroi de Viliers; Macayre Gile; Berteleme Meinebuef; Eude de Creel; Andre Taillevent; Johan de Fenjon; Gui de Renay; Hue de Viliers.

m, 163v. Cf. Scr. rer. Pruss. I, 633. Anno 1258 martii 20 dies feria quarta fuit; 1257 tertia. 1. a B.