Sigismundus, dei gracia Romanorum rex semper augustus ac Hungarie, Boemie, Dalmacie, Croacie etc. rex, illustri Ludovico, comiti palatino Reni, sacri Romani imperii archidapifero ac duci Bavarie, principi electori et avun- culo nostro carissimo graciaui regiam et omne bonum. Expositum est nobis pro parte venerabilis et religiosi viri fratris Eberhardi de Sawnszheim, hospi- talis beate Marie Theotonicorum Iherosolimitani per Alamaniam et Italiam magistri et preceptoris generalis, consiliarii nostri fidelis dilecti, quomodo ipse et dictum hospitale certa habeaut privilegia ac munimenta ipsis a divis im- peratoribus Romanorum et regibus predecessoribus nostris a nobisque gratio- sius concessa et indulta, que pro defensione domorum et iurium dicti hospi- talis necesse habeant coram diversis iudicibus terrarumque rectoribus trans- ducere, ostendere et exhibere, que propter viarum discrimiua, locorum distan

ciam, ammissionis et lesionis eorundem pericula timent per dicta loca trans- ferre, transducere et portare. Quare nobis humiliter ac instanter supplicari fecit, quatenus sibi et dicto hospitali super hiis de oportuno remedio providere dignaremur. Nos igitur attendentes dictum hospitale cum suis membris per divos Romanorum imperatores et reges salubriter et feliciter institutum et fun- datum ac per eosdem et nos diversis privilegiis et immunitatibus pro sui status conservacione felici munitum et dotatum, que ut dignum iudicamus eidem hospitali illesa et illibata conservare, volentes tue dileccioni presentibus committimus et mandamus, quatenus eadem privilegia, munimenta et indulta, que pro parte magistri et hospitalis prefatorum coram te necnon certis nota- riis et tabellionibus publicis per te assumendis producta et exhibita fuerint, diligenter videas et examines et, si eadem illesa, sana et integra per te re- perta fuerint ac inventa, eadem transscribi, exemplari facias et transsumi, si- gillo tuo munias et robores, auctoritate nostra regali decreto tuo interposito decernas eisdemque talem ac tantam fidem et auctoritatem tribuas et imper- tiaris1, quam et quas ipsa originalia habere noscuntur, ita videlicet ut, ubi- cumque locorum dicta transsumpta tam in iudiciis quam extra visa, exhibita vel producta fuerint, eandem vim, fidem et robur firmitatis, credulitatis ac probacionis habeant et teneant, acsi ipsa privilegia originalia et indulta ostensa et exhibita in specie forent vel producta, presencium sub nostri regalis sigilli appensione testimonio literarum. Datum in Marienburg dyocesis Strigoniensis anno domini millesimo quadringentesimo vigesimo septimo duodecima die mar- cii regnorum nostrorum anno Hungarie etc. quadragesimo Romanorum decimo septimo et Boemie septimo..

IV, 263. 1. impartiaris B.